ဒီညနေ နေ၀င်ချိန်လေးရဲ့ ဆည်းဆာအလှတရားကို ပင်လယ်ကမ်းစပ် တစ်နေရာကနေ ခံစားနေမိတယ်။တစ်ချက် တစ်ချက် ငွေရောင်လှိုင်းဖွေးဖွေး တွေက တ၀ုန်းဝုန်းနဲ့ သဲသောင်ပြင်ပေါ်ကို အရောက် ပြေးပြေး တက်လာနေကြတာ ညနေ ဆည်းဆာ ချိန်ဆိုတော့ တော်တော်လေး ပနာသင့်လိုက်ပါဘိ။ဒီလိုကြည့်နေရင်းကနေပဲ နေလုံးနီနီကြီးကနေ တဖြည်းဖြည်း လိမ္မော်ရောင် ဖျော့လို့ တအိအိနဲ့ ဆင်းသွား လေရဲ့...မှောင်စပျိုးပြီ..နေမင်းရဲ့ အလှည့်ပြီးတော့ ညခင်းမှာ လမင်းဟာ တကျော့ပြန် အရောင်တောက်လာဦးမှာပဲ..ဒီလိုကြည့်နေရင်းကြည့်နေရင်းကနေ အတွေးလေးတစ်ခုက ခေါင်းထဲကို ဖြတ်ခနဲဝင်လာတယ်....
မေတ္တာစစ် မေတ္တာမှန် နဲ့ ခွင့်လွှတ်သည်းခံစိတ် တဲ့....ဘယ်လို ပတ်သက်နေလို့ ဒီလို သွားဆက်စပ် နေမိပါလိမ့်လို့ ကိုယ့်ကိုကိုယ်အကြိမ်ကြိမ်ပြန်မေး ကြည့်တော့...ဟုတ်တယ်...နေမင်းကြီးနဲ့ လမင်းကြီး ကို မေတ္တာစစ် ၊ မေတ္တာမှန် ကို ပေးစွမ်းနိုင်သူတွေ လို့စိတ်ကူးပြီး တင်စား မြင်ယောင်ကြည့်မိတယ်..သူတို့က သူတို့ အလင်း သူတို့စွမ်းအင်ကို အယုတ်အလတ် အမြတ်မရွေး သာတူညီမျှ တတ်စွမ်းသလောက် အကျိုးပြု ပေးနိုင်တယ်....နေမင်းရဲ့အစွမ်းကြောင့် နွေးထွေး မှု ရလို့ ကျေးဇူးတင်ဝမ်းမြောက်သူတွေ ဒါမှမဟုတ် ဒင်းကြောင့် ငါတို့ အပူဒဏ်ကို တော်တော်ခံနေရတယ် ဆိုသူတွေ စလို့ ဘယ်လို ဝေဖန်မှု တုန့်ပြန်မှုတွေ ရှိရှိ သူ့ဝတ္တရား သူမပျက်ဆက်လက်ချီတက်နေခဲ့တာ နှစ်သန်းပေါင်းများစွာရှိခဲ့ပြီ ဆိုပဲ....
ညရောက်မှာကြောက်တယ်၊ညကိုမုန်းတယ်...လ ကို မုန်းတယ်ဆိုဆို ၊ လရိပ်ရောင်ဟာ အေးမြတယ် လို့ ပြောပြော ဖိုးရွှေလ ချော ကလည်း သာမြဲ သာလျှက် သူချီတက်နေလေရဲ့.....
ဒါဆိုရင် မေတ္တာစစ်စစ် ထားတတ်ကြတဲ့ မေတ္တာတရားကြီးမားသူတွေကရော ဘယ်လို စိတ်ထားမျိုးတွေနဲ့ ဘ၀ကို ဖြတ်သန်းနေကြပါလိမ့်...လို့ ...တွေးရင်းတွေးရင်း...တွေးနေရင်း....ဒီလို မေတ္တာတရားနဲ့ပတ်သက်တာလေးက စိတ်ကူးထဲကို ၀င်ရောက်လာတယ်...အင်မတန်မှ မွန်မြတ်သန့်စင်တဲ့ မေတ္တာတွေပါ.သည်းခံခြင်းတွေပါ..ဘာသာတိုင်းမှာ ကိုးကွယ်ရာ ဘုရားသခင်အပေါင်းတို့ နဲ့ တကယ့် သူတော်စင် အပေါင်းတွေမှာ ကတော့ ဒီလို မေတ္တာတရား မျိုးကို ရင်ထဲမှာ အစဉ် ပွါးများကိမ်းဝပ် နေကြပါတယ်။နောက် မြင့်မိုရ်တောင်မက ကြီးမားတဲ့ ဂရုဏာများနဲ့ ကျေးဇူးရှင် မိဘတွေ တော်တော်များများ မှာလဲ ရှိနေတတ်ကြပါတယ်.....
ဒီလို မေတ္တာမျိုးတွေ သည်းခံခြင်းမျိုးတွေ အားလုံး ဒါမှမဟုတ် တစ်ချို့တစ်လေ လောက်ကို ကျွန်တော် ဒီနေ့ ဘယ်သူ့ကို ပေးခဲ့မိပါလိမ့် ၊ ဘယ်သူ့ဆီကရော ဒီလို မေတ္တာ တရား တွေ သို့မဟုတ် အဲ့ဒီ့ထဲက တစ်စိတ်တစ်ဒေသလေးနဲ့ ခွင့်လွှတ်သည်းခံခြင်းကို ဘယ်သူ့ဆီက ကျွန်တော်ရခဲ့ပါလိမ့် လို့ ..ပြီးတော့ ချစ်သူတွေ..ချစ်သူတွေကြား ....သူငယ်ချင်းတွေ ကြားထဲမှာ ..မိတ်ဆွေ ဆိုတာတွေ....ညီအစ်ကိုမောင်နှမတွေကြားမှာ.....စလို့စလို့..ပြားပန်းခပ်နေတဲ့ စိတ်ကူးအတွေးတွေ လွင့်ပါးရင်း ပင်လယ် ကမ်းစပ် က နေ တဖြည်းဖြည်း နိမ့်ဆင်းကျသွားတဲ့ နေမင်းကြီးကိုစိုက်ကြည့်လို့.......ပင်လယ်ပြင် နဲ့ ကောင်းကင်ကြီးတို့ နှုတ်ဆက်ထိမိ နေတယ်လို့ထင်မှတ်ရတဲ့ ဟိုး အဝေးကြီးကနေရာ လေးကိုငေးနေမိရင်း....
မေတ္တာတရားနဲ့ သည်းခံခြင်းတရားကို မြဲမြဲခိုင်ခဲ့ကြသူတွေ၊မြဲမြဲခိုင်နေကြသူတွေ ကိုလည်း စိတ်ထဲကတွေးလို့ လေးစားနေမိပါတော့တယ်ခင်ဗျာ....
ပြီးတော့မှ နှုတ်ကနေ ဖွဖွလေး ရေရွတ်နေမိတဲ့ စာစုလေး..မေတ္တာရှင်တွေ သည်းခံတတ်သူတွေ တကယ်ဒီလိုပဲ ရေရွတ်ခဲ့ ကြ လား တော့ မသိ..သူတို့ရင်ထဲအထိ ၀င်သွားကြည့်ရင်တော့ ဒီလို တွေ့ ရမယ် ထင်မိပါရဲ့လေ......
ငါ့ကိုစိတ်တိုအောင် မင်းဘယ်လိုလုပ်လုပ်
စိတ်ဆင်းရဲအောင် ဘယ်လိုဖန်ဖန်
လောကဒဏ်တွေ ရိုက်ပုတ်လို့ ငါပန်းနေတယ်
ဒါပေမယ့်...မင်းအပေါ်မှာ ငါလေ ဘယ်တော့ မှ စိတ်မတို တတ်ခဲ့ဖူး....
ငါ့အကြောင်းကို မင်း လှည့်ဖျား
ကျေးဇူးတရားတွေ ကို မြေမှာနင်း
ငါ့ဘ၀ကို ခင်းပေးရခဲ့တယ်
ဒါပေမယ့်..ငါ မင်း ရဲ့ ကျေးဇူးတရားတွေ ကို အမှတ်ရနေပါတယ်......
ငါ့ အပေါ်မင်း ၀န်တို
ညိုညင်တဲ့ စိတ်နဲ့ လိုချင်တဲ့ အရိပ်တွေ မရလို့လား
စိတ်တွေ ကစားတတ်တဲ့ မင်း.. ငါ့ အတင်းကို မကောင်းပြောတယ်
ဒါပေမယ့် ..ငါ မင်း နဲ့ ဘယ်တော့မှ ဂုဏ်ပြိုင်ခြင်းအလျင်းမရှိ အရှုံးပေးနေမိပါရဲ့......
ငါ့ရှေ့မှာ မင်းအောင်မြင်မှုတွေ အရောင်တောက်
ပြောင်မြောက်လှပါလား မင်း အစွမ်းတွေ
မှန်းနေရင်း စိတ်ထဲမှာ မင်းရဲ့ ရှုံးသူကိုကြည့်တဲ့အကြည့်
ဒါပေမယ့် ..ငါ သိတယ် မင်းကိုနိုင်ဖို့ ဘယ်တော့မှ ၀ါကြွားမှာမဟုတ်ဘူး......
ငါ့စိတ်မှာ လှိုင်းမထန်ဘူး
အရိုင်းမခံဘူး မင်းအတွက်
ငြင်းခက် ကောင်း ခက်ပေလို့ ရတက်ပွေရချင်ပွေ
ဒါပေမယ့်...မလျောက်ပတ်ခြင်း မဟုတ်မှန်ခြင်းကင်းစေရမယ်..
ငါ့ အတွက် ရေအေးတစ်စက်ဟာ
ငွေကြေးရမ္မက် ကြောင့်ဆိုရင် နောက်ဆုံးတစ်စက်
ငါမလျှက်တော့ဘူး မင်းသွန်ချလိုက်ပါ
ဒါပေမယ့် ...ငါကိုယ်ကျိုး မရှာ မင်း မနာစေရဘူး....
ငါ့ ရင်ကို နာကျင်စေတဲ့စကား
ငါမြင်တယ် မင်းရဲ့ အမုန်းမီးတောက်ရဲရဲ
ဆွဲသူမရှိလဲ ငါ အကျွမ်းခံပါတယ် ငါ့နှလုံးသား
ဒါပေမယ့်..ငါ့ရင်က အမျက် မင်းအတွက် ဘယ်တော့မှ ငါမထွက်ဘူး.....
ငါ့..ဘ၀ ကျိုးကြေ မင်းနင်းခြေ ခဲ့
မင်းအတွက်တော့ အပျင်းပြေစေတယ်တဲ့
အရင်းတွေ တကယ်များလှပါတယ် ငါ့အတွက်
ဒါပေမယ့်..မင်း မှာ အပြစ်မရှိဘူး..ငါခွင့်လွှတ်တယ်......
ငါ ပေးဆပ်ခဲ့ရတာ နှစ်ပေါင်းမနည်း
အပြစ်ပေါင်းလည်း ခဏခဏ အပေးခံ
ချွေးပြန်လို့ စိတ်မော ရတာ ခဏခဏ
ဒါပေမယ့်..မင်းအတွက် ခပ်သိမ်းသောအရာ ကို ငါ့မေတ္တာက ဖုံးလွှမ်းပေးလိုက်ပါရဲ့....
ဒီလို ငါ့မေတ္တာစစ်စစ် ငါချစ်တဲ့အချစ်
အနှစ်တော့လုံးဝမမဲ့တာ ငါ့ရင်ကအသိ
ငါ့ပီတိ နဲ့ငါမြူး စိတ်ထဲက ကြည်နူးမိတယ်
ဒါပေမယ့်..
ငါ့ မေတ္တာကို ငါ ဘယ်တော့ မှ သစ္စာမဖောက်ဘူး..
ငါ့ မေတ္တာကို ငါ ဘယ်တော့ မှ မလှည့်ဖျားဘူး...
ငါ့ မေတ္တာကို ငါ ဘယ်တော့ မှ ယုံကြည်ချက်ကင်းခြင်းမရှိစေရဘူး...
ငါ့ မေတ္တာကို ငါ ဘယ်တော့ မှ အရောင်မနွမ်းစေရဘူး...
ငါ့ မေတ္တာကိုထိပါးမယ့် ဖောက်ပြန်ခြင်း သဘောတွေနဲ့ အစဉ်ကင်းလွတ်နေစေရမယ်............. ။ ။
ဒီလို မေတ္တာမျိုးတွေ သည်းခံခြင်းမျိုး တွေကို အားလုံး ဒါမှမဟုတ် တစ်ချို့တစ်လေလောက်ကို ကျွန်တော် ဒီနေ့ ဘယ်သူ့ကို ပေးခဲ့မိပါလိမ့် ၊ ဘယ်သူ့ဆီကရော ဒီလို မေတ္တာ တရား တွေ သို့မဟုတ် အဲ့ဒီ့ထဲက တစ်စိတ်တစ်ဒေသလေးနဲ့ ခွင့်လွှတ်သည်းခံခြင်းကို ဘယ်သူ့ဆီက ကျွန်တော် ရခဲ့ပါလိမ့်....လို့..ပြီးတော့ ချစ်သူတွေ..ချစ်သူတွေကြား ....သူငယ်ချင်းတွေ ကြားထဲမှာ ..မိတ်ဆွေဆိုတာတွေ .ညီအစ်ကိုမောင်နှမတွေ ကြားမှာ ..စလို့စလို့..ပြားပန်းခပ်နေတဲ့ စိတ်ကူးအတွေးတွေ လွင့်ပါးရင်း ပင်လယ်ကမ်းစပ်က နေ တဖြည်းဖြည်း နိမ့်ဆင်းကျသွားတဲ့ နေမင်းကြီးကို စိုက်ကြည့် လို့ .......ပင်လယ်ပြင် နဲ့ ကောင်းကင်ကြီးတို့ နှုတ်ဆက် ထိမိနေတယ်လို့ထင်မှတ်ရတဲ့ ဟိုး အဝေးကြီးက နေရာလေး ကို ငေးနေမိ ရင်း ....သတိထားမိတယ်.....တဖြည်းဖြည်း နဲ့ မှောင်တောင်မှောင် လာပြီပဲ..လမင်းကြီးတောင် တကျော့ ပြန်ပေါ် လာ နေ ပြီ .... ပင်လယ် ကမ်းစပ်မှာ တိုက်ခတ်တဲ့ လေနု အေး လေး တွေကလည်း ရင်ထဲကို အေးမြ သွားစေတယ်......ဆက်လက် တိုက်ခတ် နေပေးပါ လေနုအေးလေး တွေရယ် .......ကြည်နူး စရာ ကောင်းလှပါတယ်..... / /
မိတ်ဆွေများ အားလုံး ပျော်ပါစေ
လင်းကြယ်ဖြူ
www.lkphyu.blogspot.com
ဆက်လက်ဖတ်ရှူရန်...
ပြီးပါပြီ...
ခုတလော....
တွေးနေမိတယ်
ဝေးမြေ အမိရပ် က တစ်ခန်းရပ် ဇာတ်လမ်းနဲ့
မှတ်တမ်းတွေ အမြှင်မပြတ်
ရင်ဘတ် ဆီ ၀င်မွှေနောက်
မြင်ကာဖျောက် မရ အဝေးက ပျော်စရာနေ့များ.......။
ဒါနဲ့ပဲ ...
ကိုယ့်ကိုယ်ကို ပြန်ဆင်ခြင်မိလိုက်တယ်
အမှန်ရင်ခွင်အထိ သယ်မလာနဲ့တော့
ဘယ်အရာ မှ ပြန်ရောက်မလာနိုင်ဘူး
ချန်လောက်တာတွေ ချန်ထားပြီး
အမှန်တရားလေးနဲ့ တွယ်ဖက်လို့ ပစ္စုန်ပ္ပန် ကိုပဲကြည့်လို့..........။
ဒါမှပဲ...
ကျန်းမာရေး
လန်းစရာလေးတွေ ခါခါ
မနာမှာ မတွေးချင်ပေမယ့်
ပြေးမြင်လာတယ် သင်္ခါရ
မြင်ကာမှ ကျောချမ်း မမောမပန်းတော့ ခရီးဆက်ချင်ပါရဲ့လေ..........။
တစ်နေ့...တစ်နေ့....
ဖတ်ဖြစ်တဲ့စာအုပ်တွေ အပုံအထပ် ဖြစ်ချင်ပါရဲ့
ုအကုန်မှတ်ဖို့ အချိန်တွေ လုမရ
တယုတယ လုပ်ရင်း သေချာစု
မရေရာဘု ဘယ်တော့များ အကုန်ကြည့်ခွင့်ရလိမ့်မယ်......။
ဟိုလိုလို..ဒီလိုလို....
ရောက်ဖြစ်နေလိုက်တာ
ကျောက်အစစ် ရုပ်ကြွင်းလို မလှုပ်မရှား
အလုပ်များသလိုလို ဘာလိုလို နဲ့
စာဆိုတာ ကို အမှန်ရေး နိုင်ဖို့
အကြံတွေတွေးရင်း ကွန်ပျူတာရှေ့ ငုတ်တုတ်..........။
ဒါပေမယ့်...
ရေးဖြစ်နေတာ ဘာလဲလို့
ငါစွဲ မထားပဲကိုယ့်ကိုယ်မေးလိုက်တော့
အရေးစိုက်လို့ ပြန်ဖြေတယ်
မဟန်ပေ ဘူး မင်း အများကြီး လိုသေးတယ်လို့..........။
မကြာ..မကြာ...
နားထောင်ဖြစ်ရင်း
မကြားယောင် ဆောင်လည်း မတတ်သာ
ခပ်ခွာ ခပ်ခွာ နေလိုသော်လည်း သူ့စကား
အမှုမထားရင် ဘာဖြစ်မလဲ ဆိုတွေးမိ
ပြေးကြည့်မှ တစ်ယောက်တည်းရှိတဲ့ မန်နေဂျာ့ မိန့်ခွန်းများ....ခါး..ခါး....။
စိတ်ပြေ...လက်ပြေ...
ရွတ်နေမိတဲ့ ကဗျာစုံ ရင်ထဲမှာ
အစဉ်စွဲပါတယ် လို့ ခံစားရသမျှ
ပြန်ကြားလို့ စိတ်ထဲတွေး
အတိတ်ထဲ အဝေး က ငယ်သံစဉ်တွေ.........။
ဒီလိုပေါ့...
ဖြစ်ချင်နေတာ တွေ က ပျားပမ်းခတ်
မနားတမ်းကပ်လို့ စိတ်အစဉ်
အိပ်ချင်တာတောင် ကောင်းကောင်းမအိပ်ရဘူး
စိတ်ကတွေးလို့ ဖြတ်ပစ်ဦးမယ်..မင်း..ရပ်တန်းကရပ်..လို့.......။
ဟိုနဲနဲ...ဒီနဲနဲ...
စားဖြစ် နေတတ် လိုက်တာ
ရေငတ်ခိုက်မှာ ရေတွင်းထဲကျ
မသေမချင်းပဲ မပြတ်ဖြည့်
အမှတ်တမဲ့ လေးတောင် မမေ့မိဘူး......အာဟာရလေ.....။
တောင်တွေး...မြောက်တွေး.....
သနားနေမိတယ် ဒုက္ခတွေကြားက ဒုက္ခများ
ဟုတ်ပါ့မလားလို့ ပဟေဋိ
အဖြေညှိရင်း သေချာတွေးမှ
မရေမရာလေးနဲ့ ဒွိဟ တွေကြား..သတ္တ၀ါအားလုံး..သနားစရာများဖြစ်နေသလား.......။
အော်...
လွမ်းနေမိ လာသေးတယ်
ငါဝေးတဲ့ ငါ့ရဲ့အိမ် အပြင်မှာ
ဘ၀မဲ့တိမ်အဆင် လို များလွင့်နေရသလားလို့သတိထားမိမှ
အသိတရားက ပြောလာတယ်..အိမ်ဝေးသူတွေ က အများကြီးပါပဲလို့.......။
အမြဲ..အမြဲ.....
မေ့လျော့အောင် လုပ်နေမိတယ်
အရှုပ်တွေ ဆိုတာကို မသိခဲ့စဉ်က
မထိမဲ့မြင် ပြု လို့ အမှုမဲ့
အခုတလှည့် ပြန်ခံရရင်မကောင်းဘူးသိတဲ့....အမှားများ........။.
ရံဖန်..ရံခါ.....
ခါးခါးသက်သက် ဖြစ်နေမိတာက
အချစ်တွေပါလို့ မပြတ်ပြော
မရပ်မမောပဲ ကဗျာတွေ တသီစပ်လို့
အရီရပ်တဲ့အချိန်မှ အမုန်းမျက်နှာ အရောင်ပြောင်းသွားတတ်တဲ့ သူ တွေရဲ့ နှုတ်စကား.....။
အမြဲ.လိုလို.....
တမ်းတနေမိတာလား
မှန်းဆနေကြည့်တာလား ကိုယ်တိုင် မသဲကွဲ
အမြဲပဲ အလိုလို ခေါင်းထဲ ၀င်ဝင်နှောက်တယ်
ပြင်ဆောက်လို့ ရပါတော့မလားဆိုတဲ့ နေရာတစ်ခု အကြောင်း.....။
နောက်တော့.နောက်တော့....
ကြိတ်ပြီးချီးကျူး ပြီးရင်း ချီးကျူး နေမိပါတယ်
မညည်းဘူး တကယ် ခရီးကကြမ်း လူကပန်း လည်း
ယူကြစမ်းပါ ငါ့ဘ၀ကို လို့ ပေးရင်း အနွမ်းခံ
နန်းမစံ ရ လည်း အပြုံးမပျက်တတ်တဲ့ စိတ်အလှပိုင်ရှင်များ.......။
သို့သော်.သို့သော်....
မုန်းတီးနေမိတယ်
စိတ်ပျက်နေမိတယ်
ကြိတ်ပြီးအထင်သေးနေမိတယ်
အမြင်လေးနဲ့ အပြောမှာ ဒီလိုကောင် မဟုတ်ပါဘူးတဲ့
လုပ်တာတွေ တကယ်ကောင်းလှပါတယ်ဆိုတဲ့
အကြောင်းကအပိုင် တကယ်တွက်တဲ့ ရမ္မက်ကြီး အခွင့်အရေးသမားတွေ......။
မသွားဘူး...မသွားဘူး....
ဆန္ဒမရှိတဲ့ ပရ၀ုဏ်အသိုက်ထဲ
မိုက်မဲလို့ အဆင့်မရှ်ိဘူး သမုတ်ချင်သမုတ်
ဟုတ်ရင်လည်းဟုတ် မတတ်သာ ၀င်ကာမသွားဘူး
အမြင်မှာ မာနတွေနဲ့ဂုဏ်တုဂုဏ်ပြိုင် ..ဟန်ဆောင်ရပ်ဝန်းထဲ.....။
တကယ်ပါ.....
ဆန္ဒရှိနေတဲ့ အကြောင်းအချင်း
အပေါင်းအသင်းများကိုပြောမိတော့ ရယ်ကြတယ်
ဘယ်ဘ၀ က ၀ဋ်ကြွေးတွေလဲ တော့ သေချာမသိဘူး
မရေရာပါဘိကွာ လို့ ပြောပြောသွားတတ်ကြတော့..နေချင်တဲ့ မြို့ကလေးတစ်မြို့အကြောင်းကို မေ့ထားမိတယ်...။
စွဲလန်းနေမိတယ်.....
လိုအပ်နေတယ်......
တောင်းနေမိတယ် မျှော်လင့်ချက် ဆုတွေအား
ခုနေများတော့ ပြည့်ကောင်းမှပြည့်မယ်
ရွေ့ပြောင်းကြ တဲ့ အချိန်တွေ တကယ်မနားမရပ်တဲ့
ချားရဟတ် သံသရာမှာ အမှန်တရားဆိုတာတွေ တစ်နေ့ အရာင်တောက်လာမယ်.....။
ဒီလို..ဒီလို....
အော်ဟစ်ရင်း ထပ်တလဲလဲ
မရပ်ပဲ ဆက်ကာဆက်ကာ
တစ်သက်မှာ တစ်ခါပြန်ကြုံ ချင်ပါရဲ့
မဟာရန်ကုန် မှာ လပြန်သာတဲ့နေ့............။
နောက်ဆုံးတော့.....
ဝန်ခံချင်တာလေးကို အပိတ်ထား
စိတ်ကစားတယ်ဆိုတာ မျောက်တစ်သင်းလိုပဲ တဲ့ ဘုရားဟော
တအားလည်းမောနေပါပြီ တရားမရှိပေ လို့
ကစားမိနေတဲ့ စိတ်ကိုတော့ နိုင်အောင်ထိမ်းရင်း.....ယိမ်းနေဆဲပါလို့.......။.......။
...........ညီမ လတ်ဇော် နဲ့ ညီမ ငှက်ကလေး တို့ ကျေနပ်နိုင်ပါစေ......ပြီးတော့.....
မိတ်ဆွေများအားလုံး ပျော်ပါစေ
လင်းကြယ်ဖြူ
www.lkphyu.blogspot.com
ဆက်လက်ဖတ်ရှူရန်...
ပြီးပါပြီ...
ယပ်တောင်တဲ့ ဒီနေ့ခေတ်မှာတော့ ပန်ကာတွေ လေအေးပေးစက်တွေ ကြားထဲမှာ သိပ်အသုံးမ၀င်တော့ပါဘူး.......
ဒါပေမယ့် ဟိုးတစ်ချိန် ယပ်တောင်လေးတွေကို လက်ထဲမှာကိုင်လို့ ပွဲသွားလမ်းသွား အတူတူဆောင် သွားတတ်ကြတဲ့ ခေတ်မှာ အမျိုးသမီးပျိုတွေ အများစု ဟာ အဲ့ဒီ့ ခေါက်ယပ်တောင် ဒီဇိုင်းလှလှ လေးတွေကို ဖက်ရှင် တစ်ခုအနေနဲ့ အမြတ်တနိုး တန်ဖိုးထား ဆောင်ထားတတ်ကြတာကို သတိထားမိခဲ့ပါတယ်...
အဲ..အထူးသဖြင့် အနောက်နိုင်ငံတွေတော်တော်များများမှာ အဲ့ဒီ့ခေတ်က ခေါက် ယပ်တောင်လေးတွေကို ဘာလို့ အဲ့သလို ကိုင်လေ့ ရှိကြပါလိမ့် ဆိုပြီး လေ့လာကြည့်တော့ မှ အဲ့ဒီ့ ယပ်တောင်လေးတွေကလည်း အထာလေးတွေရှိ တာကို တွေ့လိုက် ရပါတယ်.. အဲ့ဒီ့အချိန်မှာ ယပ်တောင်ကို အမျိုးသမီးပျိုလေး များဟာ ပွဲလမ်းတွေ ပါတီတွေ မိတ်ဆုံစားပွဲ စတာစတာ တွေမှာ လေအေးဓါတ်ရရုံ အတွက် ယပ်ခပ်ရန်သက်သက် သာ သုံးကြတယ်မဟုတ်ပဲ ကိုလူပျိုတို့ကို မေတ္တာ သင်္ကေတ အချက်ပြ ရန်အတွက်လည်း သုံးကြပါသတဲ့လေ..ဘယ်လိုပုံစံနဲ့ ယပ်တောင်ကို မတူညီတဲ့ မျက်နှာပေးလေးတွေနဲ့ ဘယ်လို ကိုင်ပြလိုက်ရင်တော့ ကိုယ်ရွှေချော တို့ကလည်း အလိုလို သူ့ခေတ်နဲ့သူ နားလည်ကြပါသတဲ့...အချက်ပေး သင်္ကေတ (ခုခေတ်တော့ အထာလေးတွေခေါ်မှာ ပေါ့နော်) လေးတွေက ဒီလိုပါတဲ့....
ယပ်တောင်လေးကို နှုတ်ခမ်းလေးမှာ ကပ်လို့ ပြုံးပြုံးလေးကြည့်နေရင်တော့ " I Don't Trust You" တဲ့
-ယပ်တောင်ကို ဘယ်ဖက်လက်ကလေးနဲ့ အသာခတ် ပြီး ပြနေပြီဆိုရင်တော့ ကိုရွှေချောကို သူမက " Don't flirt with that woman" ဆိုပြီး ပြောနေတာ ပါတဲ့..
-သူမလက်ကလေးတွေက ယပ်တောင်လေးရဲ့ အရိုးတိုင်လေးတွေပေါ်မှာ ပြေးလွှားစော့ ကစားပြနေရင် " I want to talk to you " တဲ့ အခြေအနေ ကောင်းလေးပါပဲနော..
-သူ့ကိုသူ ဖြေးဖြေးလေးယပ်ခတ်ပြနေတယ်ဆိုရင်တော့ ကိုလူချောရေ "Don't waste your time,I don't care about you" ..ဟော...အခြေအနေမဟန်ဘူး..
-ဒါပေမယ့် ခပ်မြန်မြန်လေး သူမကိုယ်သူမ ယပ်ခပ်ပြနေတာကတော့.." I Love You So Much " တဲ့ .. မြန်မြန် ခပ်ပါစေ လို့ တောင် ဆုတောင်းရမယ့်ပုံပဲ...
-အဲ..အဲ့ဒီ့ယပ်တောင်လေးကိုစုပြီး သူမနဖူးစပ်က ဆံပင်လေးတွေကို ပင့်တင်ပြနေရင်တော့ " Don't forget me" တဲ့. .ပြန်သာ သွားလိုက် သူမဆီကို....ကိုလူချောရေ..ဆက်ဆက်ပေါ့..
-ယပ်တောင်လေးကိုစု ဘယ်ညာပြောင်း ဟိုဖက်ဒီဖက် ဟိုလက်ကနေဒီလက် ပစ်ပြီးကစား နေရင်တော့ ကိုယ်လူချောက မဟုတ်တာ လုပ်နေပြီ.." I see that you are looking at another woman " တဲ့ .. သတိထားတော့နော်..ပြောနေပြီ..
-ယပ်တောက်ကိုခေါက်ပိတ်လို့ ဘယ်ဖက်လက်မှာ ချိတ်ဆွဲပြထားတယ်ဆိုတာက.." I am engaged"တဲ့..သွားမကပ်နဲ့တော့..
-ယပ်တောင်ကို ခေါက်ပိတ်လို့ ညာဖက်လက်မှာ ချိတ်ဆွဲပြထားတယ်ဆိုတာက ." I want to be engaged " ပါတဲ့............ ဘယ်သူနဲ့လည်း မသိဘူးနော်..း)
-ယပ်တောင်ကို ခပ်မြန်မြန် ခပ်ပြင်းပြင်း ခပ်ဆတ်ဆတ်ကလေး ဆောင့်ပြီး ခေါက်လိုက်တယ်၊ပိတ်လိုက်တယ်ဆို ရင်ကတော့ သူမကလေ.. " I am Jealous " ပါတဲ့ ..သ၀န်တိုနေပြီဆိုတာပေါ့..ဘာတွေလုပ်မိလို့ပါလိမ့်...သတိထား..ကိုရွှေချော..
-ယပ်တောင်ကို အမှတ်မဲ့လေး မသိမသာ(ဒါပေမယ့် သိလည်းသိသာအောင်) လွှတ်ချပြ လိုက် တယ်ဆိုတာ ကတော့.. ကိုင်မ ထား ချင် လို့၊ကိုင်ရတာညောင်းလို့ ......မဟုတ်ပါဘူး" I belong to you " တဲ့....ကိုရွှေချောတို့ဖက်ကို ပါလာပြီထင်ပါ့..း)
-ယပ်တောင်လေးကို ဘယ်ဖက်ရင်ဘတ် နှလုံးသားရှိရာနေရာ လေးပေါ်တင်လို့ ရီဝေေ၀ကြည့်နေပြီဆိုရင်တော့ ..."My love for you is breaking my heart " တဲ့ ..ကြေကွဲစရာပါပဲ....
-အဲ့ဒီ့ယပ်ကလေးနဲ့ အရာဝတ္ထု တစ်ခုခုကို ရိုက်နေ၊ပုတ်ပြနေတယ်ဆိုရင်တော့ ...ဟင်း..ရပ်ထားဆရာ.." I am impatient "
စိတ်တိုလာပြီနော်...တဲ့...
-နေရောင်လာလို့ ယပ်ကလေးနဲ့ကွယ်ရ သယောင် လုပ်လို့် ကိုရွှေချောကို စကားပြောနေရင်..ကိုယ့်လူ.." You are ugly ".. ပြန်ပေတော့ မစဉ်းစားနဲ့ ပြန်ပေတော့....
-ယပ်တောင်က ပန်းချီ(သို့) ရုပ်ပုံလေးတွေကို သေသေချာချာ စကားပြောရင်းစိုက်ကြည့်နေတယ်ဆိုရင်တော့.." I like you" တဲ့.. ခြေစစ်ပွဲ အောင်တဲ့သဘောနေမှာပေါ့နော်...
-နောက်ဆုံး သူမလက်ချောင်းလေးတွေ ကို ယပ်တောက်လေးနဲ့ တဖျတ်ဖျတ် ရိုက် ခတ်ပြ နေပြီဆိုရင်တော့. ..... တွေဝေ မနေ နဲ့တော့ ကိုလူချော...." Please Love Me" ပါတဲ့ဗျာ....ဆက်လက်ချီတက်ရန် အသင့် အနေအထားပေါ့ခင်ဗျာ...း)
အဲ့ဒါလေးတွေကတော့ ဟိုးနှစ်ပေါင်းများစွာက အနောက်တိုင်း ပါတီတွေ ပွဲလမ်းသဘင်တွေမှာ အပျိုမလေးများက ကိုလိူပျို တို့ ကို ယပ်တောင်လေးများနဲ့ မျက်နှာ အမူအယာရောလို့ (မျက်နှာအမူအယာကိုတော့ ပေါ်လွင်အောင်မရေးတတ်လို့ သည်းခံပါ) အချက်ပြ သင်္ကေတ (အထာလေးတွေ) ပေးရင်း လုပ်တတ်ကြတဲ့ ယဉ်ကျေးမှုလေးတွေ ပါတဲ့ ...
ဖတ်ပြီး စိတ်ဝင်စားမိတာနဲ့ မှတ်တမ်းတင် လိုက်မိပါတယ်......ခုခေတ်မှာတော့ ဒီလို ယပ်တောင် တွေ ကိုလည်း မသုံးဖြစ် ကြတော့တာ များသလို ဒီလို သင်္ကေတ အထာလေးတွေနဲ့ မတူတဲ့ တစ်ခြား အထာသစ် လန်းလန်း ကလေးများက လည်း ခေတ်စားချင် စားနေမှာပေါ့နော............ဘာပဲဖြစ်ဖြစ် ရာစုဟောင်းမှာ ကျန်ခဲ့တဲ့ အထာလေးတွေကို လည်းလေ့လာ ကည့်လိုက်ကြပါဦး...စမ်းကြည့်ချင်ရင်လည်း ရနိုင်ပါတယ်.. ကြိုပြီးပြောပြ ထားပေါ့ နော .. အဖော်မွန် ကို လေ ... ဇာတ်တိုက်သလို နေမှာပဲနော....HAVE FAN AND HAVE FUN...ပေါ့..
တွေ့မိတာကတော့ ဒီလိုဆိုထားတဲ့ စာစုလေးပါ...
In the past, hand fans were used not only as cooling instruments, but also as convenient communication devices, mainly for transmitting more or less furtive love messages.
A language of the fan, which is today completely forgotten, was widely used. For your amusement we have recovered a set of messages pertaining to this language, which we include here:
Resting the fan on her lips:
"I don’t trust you"
Fanning herself with her left hand:
"Don’t flirt with that woman"
Running her fingers through the fan’s ribs:
"I want to talk to you"
Slowly fanning herself :
"Don’t waste your time, I don’t care about you"
Quickly fanning herself :
"I love you so much"
Moving her hair away from her forehead.
"Don’t forget me"
Passing the fan from hand to hand:
"I see that you are looking at another woman"
Carrying the fan closed and hanging from her left hand:
"I’m engaged"
Carrying the fan closed and hanging from her right hand:
"I want to be engaged"
Quickly and impetuously closing the fan:
"I’m jealous"
Dropping the fan:
"I belong to you"
Resting the fan on her heart:
"My love for you is breaking my heart"
Hitting any object:
"I’m impatient"
Hiding the sunlight:
"You’re ugly"
Looking closely at the painting:
"I like you"
Hitting her hand’s palm:
"Love me"
မိတ်ဆွေများ အားလုံး ပျော်ပါစေ
လင်းကြယ်ဖြူ
www.lkphyu.blogspot.com
ဆက်လက်ဖတ်ရှူရန်...
ပြီးပါပြီ...
ခေတ်လူငယ်တွေ ၊ ကောင်မငယ် လေးတွေ(မြိတ်လို) အင်မတန်ကြိုက်လှပါတယ်ဆိုတဲ့ ၊ ခပ်ချောချော အဆိုတော် မင်းသား မောင်မင်းမော်ကွန်းကတော့ အခုလို သာသနာတော်ကို မလေးမစားနဲ့ ကိုယ့်ဂုဏ်ကိုယ်ဖျက် စကောလောက်မှ ဇောက်မနက်လုပ်ချလိုက်ပြန်ပါပြီ ဆိုတဲ့ ........သတင်းလေးရလို့ ပါ.....
ဘာသာတိုင်းကို လူမျိုးတိုင်းက အသီးသီး ကိုးကွယ်ရာအလိုက် အလေးထားပြီး ကိုယ့်ဘာသာ ကိုကိုယ် မြှင့်တင် တန်ဖိုးထားကြတာကိုတွေ့နေရပေမယ့်နာမည်ကြီး သရုပ်ဆောင်ကြီး ဦးဇင်ဝိုင်း ရဲ့သား နာမည်ကြီး သရုပ်ဆောင် အကယ်ဒမီ မောင်မင်းမော်ကွန်း နဲ့ အပေါင်းအပါ တစ်စုကတော့ထေရ၀ါဒ ဗုဒ္ဒဘာသာ အထွန်းကားဆုံးနေရာ ပြည်မြန်မာမှာ ဘယ်လို စိတ်ကူးပေါက်သည်မသိ...
ဗုဒ္ဒဘာသာ တစ်မျိုးလုံးရဲ့ အထွတ်အမြတ် ထားတဲ့ အနန္တောအနန္တ ငါးပါးထဲ က လက်ရှိ ကိုးကွယ်ရာ မြတ်သံဃာတော်တို့ဆင်မြန်းရာ သင်္ကန်းတော်ကို အရေခြုံလို့ မတော်တာလုပ်ပြနေတယ်ဆိုတော့ကလည်း....
မိမိကိုးကွယ်တဲ့ဘာသာကို မိမိက မှ တန်ဖိုးမထား မလေးစားရင်..... အင်း........... ပြီးတော့ သံဃာတော်ငယ် များလည်း အတုခိုး မှားနိုင်ပါတယ်..
မောင်မင်းသားက ဒီပုံကို သူ့ရဲ့ Facebook မှာ တောင် တင် ထား သေးတယ်ဆိုတော့ တော်တော်ကို စဉ်းစားစရာ ပါပဲ .... ဘယ်လို ဖြေရှင်းချက် တွေနဲ့ ဘယ်လို ပြောမလဲဆိုတာကိုတော့ စောင့်ကြည့်ရဦးမှာပေါ့နော....
သင်္ကန်းတော်ကို ခြုံပြီဆိုတာနဲ့ ကိုယ်အမူအယာ နှုတ်အမူအယာတို့ကို အိနြေ္ဒနဲ့အညီ ၊သိက္ခာတော် များစွာနဲ့အညီ စောင့်ထိန်း နေထိုင်ကြရတဲ့ သံဃာတော်တွေ ကတော့ ဘယ်လိုပြောကြမယ်မသိပါဘူး...ပြီးတော့ သူ့ဖခင်နာမည်ကြီးအနုပညာရှင် ဦးဇင်ဝိုင်း ကကော ဘာပြောမလဲ..
နောက်ပြီး..ကိုမင်းမော် ကိုယ်တိုင်လည်း ဖခင်တစ်ယောက် ဖြစ်နေလေတော့..သူမွေးထားတဲ့ ရင်သွေးလေးတွေ ကို ဘယ်လို ဘယ်ပုံ သွန်သင် ဆိုဆုံးမ မယ်ဆိုတာက လည်း စိတ်ဝင်စားစရာပါပဲ...
ဒါပေမယ့် အရာအားလုံးကတော့ ကိုယ့်သမိုင်းကိုယ်ရေးကြမှာပါ....
ဘာသာတိုင်းကို လေးစားပါတယ်ခင်ဗျာ.......ဖတ်လို့အဆင်မပြေဖြစ်ရင် သည်းခံနားလည်ပေးပါ.....
ဆက်လက်ဖတ်ရှူရန်...
ပြီးပါပြီ...
ဒီညနေ နေ၀င်ချိန်လေးရဲ့ ဆည်းဆာအလှတရားကို ပင်လယ်ကမ်းစပ် တစ်နေရာကနေ ခံစားနေမိတယ်။တစ်ချက် တစ်ချက် ငွေရောင်လှိုင်းဖွေးဖွေး တွေက တ၀ုန်းဝုန်းနဲ့ သဲသောင်ပြင်ပေါ်ကို အရောက် ပြေးပြေး တက်လာနေကြတာ ညနေ ဆည်းဆာ ချိန်ဆိုတော့ တော်တော်လေး ပနာသင့်လိုက်ပါဘိ။ဒီလိုကြည့်နေရင်းကနေပဲ နေလုံးနီနီကြီးကနေ တဖြည်းဖြည်း လိမ္မော်ရောင် ဖျော့လို့ တအိအိနဲ့ ဆင်းသွား လေရဲ့...မှောင်စပျိုးပြီ..နေမင်းရဲ့ အလှည့်ပြီးတော့ ညခင်းမှာ လမင်းဟာ တကျော့ပြန် အရောင်တောက်လာဦးမှာပဲ..ဒီလိုကြည့်နေရင်းကြည့်နေရင်းကနေ အတွေးလေးတစ်ခုက ခေါင်းထဲကို ဖြတ်ခနဲဝင်လာတယ်....
.jpg)
.jpg)
